أوفسايد

ايام زمان كده كنت لسه بروح احضر المحاضرات بتاعتى

ياااااااه ايام ========>

كنت معجب ببنوته كنت تقريبا بحضر المحاضرات علشان

اشوفها فى المدرج ولما اشوفها افضل ابصلها واتنح وابتسم ابتسامه خبيثه كده

هيا كانت تتكسف ( واحد يقولى هو لسه فى بنات بتتكثف يا عم بطل كدب)

وتبص فى اى اتجاه تانى وتعمل نفسها بتتكلم

كنت حاسس انها معجبه بيه بس انا مكانش عندى الجرأه الكافيه انى اعبرلها عن

احساسى مع العلم انى اصلا لمضم ومش بسيب بنت فى حالها الا لما اعاكسها

بس اول ما بشوفها ببقى عامل زى الكتكوت المبلول

قعدت فتره كده وبعدين قلت هقرب منها

واخترع اى حوار واكلمها من الحوارات الفاكسه دى

المهم انى اكلمها واقولها انى متنيل معجب بيها

وأول ما فضلت نص ساعه بشجع نفسى واحفزها

 روحت اقولها لقيت أصحابها اتلموا حوليها

لعنت نفسى انى اتاخرت مع انى عارف انها متعمده تقعد لوحدها

علشان اقرب منها واكلمها

حسيت فجاه انى لابس تى شيرت الزمالك وخارج من الاستاد

فى اليوم ده صحابى اتصلوا بيا وخرجت من المدرج

روحت وجهزت نفسى وقولت هكلمها المره الجايه مش مشكله

وجه اليوم اللى كنت حاسس انه هيبقى اجمل ايام حياتى

كنت واقف مع اصحابى وشوفتها ومع اول خطوه ليه اتجاهها

سمعت اسمى بصيت واحد صاحبى بينادى رجعتله

واتصدمت حسيت كأنى فقدت كل حواسى

وجوايا احساس ان فى حاجه اتكسرت

صاحبى قالى انه معجب بيها وانه بيحبها

وانه كان بيفكر يقولها النهارده بس مش عارف يقولها ازاى

وبيسألنى عن رأى فيها وازاى يعبرلها عن احساسه

(  أوفسايد )